பல்லாயிரம் ஆண்டுகளுக்கு முன்பே சித்தர்களும், யோகிகளும், ஞானிகளும், தங்களுடைய தவ வலிமையாலும், மெய்ஞானத்தாலும், உணரப்பட்டு, அறிவியல் அடிப்படையில் பயிற்றுவிக்கபட்ட நமது தாய் மண்ணின் உற்பத்தி தான் சித்த மருத்துவம். உலக மக்களுக்கு இறைவனால் அருளப்பட்ட இந்த மருத்துவம், வானியல், மண்ணியல், உடலியல், உயிரியல், சோதிடம், தந்திரம், மாந்திரீகம், போன்ற பல அறிவியல் யுக்திகளை உள்ளடக்கி, நமது முன்னோர்களின் பாரம்பரியத்தையும், பண்பாட்டையும், பிரதிபலித்து உலகின் வேறு எந்த மருத்துவத்திற்கும் இல்லாத தனி சிறப்புடன் விளங்கி வருகிறது.

நவீன வாழ்க்கை முறை மாற்றமும், எந்திரதனமான வாழ்க்கையும், அனைத்து தரப்பு மக்களையும், பலவிதமான நோய்களிலும், மருந்துகளிலும், சிக்கி தவிக்க வைக்கிறது. நோய்கள் வராமல்முன்கூட்டியே தடுப்பதற்கும், வந்த நோய்களை விரைவாக குணப்படுத்தி மருந்துகளின் தேவையை குறைப்பதற்கும் சித்த மருத்துவம் ஓர் அரிய வாய்ப்பாக விளங்குகிறது.

நவீன மருத்துவத்திற்கு சவாலாக விளங்கக்கூடிய பல நோய்களுக்கு, நமது பாரம்பரிய மருத்துவ யுக்திகளை பயன்படுத்தி தீர்வு அளிப்பதற்கு, அறிவியல் பூர்வமான ஆராய்ச்சியும், ஆதாரம் மிக்க சிகிச்சையும் தேவை என்பதை நாங்கள் நன்கு உணர்ந்துள்ளோம். அதற்காகவே நமது மருத்துவமனையுடன் இணைந்து செயல்படும், மருத்துவ ஓலைச்சுவடி ஆய்வுமையத்தில் சித்த மருத்துவ வல்லுநர்கள், வர்ம மருத்துவ நிபுணர்கள், தமிழ் அறிஞர்கள், சுவடி ஆய்வாளர்கள் இணைந்து நவீன தொழில் நுட்பத்தின் மூலம் பழங்கால ஓலைச்சுவடிகளிலும், பாரம்பரிய வைத்தியர்களின் மருத்துவ குறிப்புகளிலும், புதைந்து காணப்படுகின்ற மருத்துவ யுக்திகள் ஆய்வு செய்யப்பட்டு பயன் படுத்தப்படுகிறது. இதன் மூலம் பலனுள்ள, பாதுகாப்பான, சிகிச்சைகளை அனைத்து தரப்பு மக்களுக்கும் வழங்கி வருகிறோம்.

கடந்த 23 வருடங்களுக்கும் மேலாக எந்த வித விளம்பரமும் இன்றி தரமான சேவையின் மூலம் உலகின் முன்னணி சித்த மருத்துவமனையாக விளங்கிவரும் எமது ஸ்ரீராகவேந்திரா மருத்துவமனையில் சிகிச்சை பெற்று நீங்களும் பயனடையுங்கள்.